Chama cha ushirika cha kuweka na kukopa cha walimu chaweka mikakati.

Joseph Ngilisho, Arusha.

CHAMA  cha ushirika cha kuweka na kukopa cha walimu katika jiji la Arusha kimeanza mkakati wa kuwashawishi wanachama wake kununua hisa zaidi ili kukiongeza mtaji  kwa lengo la kuondokana na mfumo wa sasa wa kutegemea mikopo ya mabenki ambayo wamedai yanatoza riba kubwa

Hayo yalibainishwa katika mkutano mkuu wa mwaka wa chama hicho uliofanyaika sanjari na kufanya uchaguzi mkuu ambapo mwenyekiti mteule, Theresia Wapalila ameeleza kuwa hivi sasa wanawaelimisha wanachama umuhimu wa kununua hisa.

Alisema  kuwa, hivi sasa ushirika huo una mtaji wa kiasi cha shilingi 500 milioni na endapo zitaweza kuongezeka kwa wanachama kununua hisa zaidi watakuwa na mtaji mkubwa wa kukopeshana.

Wapalila alisema  kuwa hivi sasa wamekuwa vwakitegemea zaidi mikopo kutoka katika mabenki na kukuta chama kikibakiwa na faisa ndogo sana kutokana na riba kubwa za mabenki.

Kwa upande wake Makamu mwenyekiti ,Erick Mainowa ameeleza kuwa hivi sasa wanaandaa mpango mkakati na andiko la mradi ili chama hicho kiwe na njia nyingi ya kukiongezea mtaji.

Naye mmoja ya wanachama wa ushirika huo wa arusha city teachers saccos,Ruth Sabaya ameeleza endapo watafanikiwa kutatua tatizo la upatikanaji wa mikopo itakuwa hatua kubwa ya kuwakomboa walimu.

Alisema kuwa andiko hilo litawawezesha kupa taasisi mbadala na mabenki itakayowawezesha kupata mikopo ya kuwakopesha wanachama wao wanaofikia 650.

Akifungua mkutano huo afisa elimu katika halmashauri ya jiji la arusha Anthony Mushi amewataka walimu hao kuhakikisha wanawekeza katika saccos yao hatua amabyo itawahakikishia faida kubwa zaidi.