Urusi yapata waziri mpya wa ulinzi

Rais wa Urusi Vladimir Putin amemfukuza kazi waziri wa Ulinzi Anatoly Serdyukov, kutokana na kushindwa kwa wizara yake kuzijengea makaazi familia za wanajeshi. Waziri mpya wa ulinzi aliyeteuliwa kuchukua wadhifa huo Sergei Shoigu anatajwa kuwa mshirika mkubwa wa Rais Putin.

 Shoigu ambaye anatoka katika jimbo la Siberia karibu na Mongolia, ni mmoja wa wawakilishi wachache wa makabila madogo ya Urusi katika nyadhifa muhimu za uongozi. Katika majukumu yake mapya atakuwa na kazi ya kusimamia mageuzi makubwa yanayofanywa katika jeshi la Urusi.