Nguli wa muziki wa afro jazz Kenya Achieng Abura afariki dunia

Image copyrightACHIENG ABURA / FACEBOOK

Image captionAchieng Abura alishinda tuzo ya Kora mwaka 2004

Mwanamuziki nguli wa nyimbo za mtindo wa Afro Jazz kutoka Kenya Achieng Abura amefariki dunia.

Mwanamuziki huyo aliaga dunia akipokea matibabu katika hospitali kuu ya taifa ya Kenyatta (KNH) jijini Nairobi.

Lydia Achieng Abura, alipata umaarufu miaka ya 1990 kwa wimbo wa injili kwa jina I Believe.

Baadaye, alianza kukumbatia mitindo mingine ya uimbaji kama vile jazz.

Kwenye ujumbe katika ukurasa wa Facebook mapema mwezi huu, alikuwa amedokeza kwamba hakuwa buheri wa afya.

Alisema alikuwa amepoteza uzani wa kilo 50 katika kipindi cha miaka mitatu pekee, na madaktari walikuwa wamemshauri kuongeza uzani.

"Kutembea ni shida na ninaumwa kila pahali," aliandika.

Image copyrightACHIENG ABURA / FACEBOOK

Kwenye mahojiano na gazeti la Business Daily mwezi Julai, alikuwa amesema alikabiliwa na matatizo ya kifedha kutokana na afya ya mwanawe wa kiume aliyehitaji kufanyiwa matibabu ambayo yangegharimu Sh4 milioni (dola 400,000 za Marekani).

"Niliandaa mchango lakini waliohudhuria walikuwa chini ya 10," aliambia gazeti hilo.

Abura alishinda tuzo ya muziki ya Kora mwaka 2004.

Alikuwa pia jaji katika shindano la kuwatafuta wanamuziki wenye vipaji la Tusker Project Fame ambalo liliwashirikisha vijana kutoka nchi za Afrika Mashariki.

Wanamuziki wenzake, viongozi na mashabiki wameeleza kushangazwa kwao na kifo hicho na wamekuwa wakituma salamu za rambirambi mtandaoni.

Image copyrightTWITTER

Image copyrightTWITTER

mjue zaidi  hapa 

Achieng Abura ni mwanamuziki kutoka Kenya, ambaye huimba nyimbo za Afro-jazz, Afro-fusion na injili.

Albamu yake ya kwanza ilikuwa ya injili na ilikuwa inaitwa I Believe mnamo mwaka wa 1990. Albamu zake zilizofuata Way Over Yonder na Sulwe . Mnamo mwaka wa 2002, wakati aliamua kuanza kuimba nyimbo za Afro-jazz, alitoa albamu iliyokuwa inaitwa Maisha . Baadaye alitoa albamu ijulikanayo kama Spirit Of a Warrior . Albamu yake ya hivi karibuni, inayojulikana kama Dhahabu Yangu ilitolewa mnamo mwaka wa 2007 na kampuni ya Blu Zebra studio, inayomilikiwa na Tedd Yosia.

Abura alishinda Tuzo la Kora mwaka wa 2004 kwa kuwa mwanamuziki bora wa kike katika Afrika Mashariki, tuzo ambalo lilishindwa pia na Tsedenia Gebremarkos wa Uhabeshimwaka huo huo. Yeye ni balozi wa UNDP wakujitolea. Amezitembelea nchi nyingi sana Ulaya , kwa mfano Uhispania.

Alikuwa mmoja wa wanamuziki wa kundi la The Divas of the Nile ambalo liliwashirikisha wanamuziki wanne wa kike wa Kenya. Wanamuziki wale wengine walikuwa na pamoja naSuzzana Owiyo, Mercy Myra na Princess Jully. Kundi hili liliimba katka tamasha ya Mundial mjini Tilburg, Uholanzi mwaka wa 2007.

Yeye ndiye aliyekuwa mwalimu mkuu katika shindano la Tusker Project Fame mwaka wa 2008 na 2009. Amefanya kampeni kwa ajili ya mwito wa dunia dhidi ya umaskini ^[1] Yeye ni miongoni mwa wasanii wa Kenya ambao wamfadhiliwa na Alliance Française katika mji mkuu wa Nairobi. Abura aliteuliwa katika jamii la majukumu ya kijamii katika tuzo za Kisima za mwaka wa 2008 .

Alizaliwa mjini Eldoret. Anamiliki shahada ya Falsafa na Masomo ya Mazingira. Ana mtoto mmoja.

Mwanamuziki wa Kenya,Abbi alikuwa mwanamuziki wa zamani wa nyuma au msaidizi wa Abura kabla ya kuwa muimbaji maarufu wa kibinafsi.