HABARI KAMILI KUHUSU KIFO NA MSIBA WA MAREHEMU STEVEN KANUMBA.

Bongo movie ndio taito ya filamu za Kitanzania ambapo umaarufu wake umechangiwa sana na Ndugu Steven Charles Kanumba ambaye kwa sasa ni marehemu, Sanaa hiyo ya filamu na maigizo hapa Tanzania na hata afrika imepta pigo ambalo halitasahaulika kwani imeondokewa na kijana mdogo ambaye mchango wake hata nusu yake haujafikia. Taarifa za kuaminika kutoka kwa ndugu, jmaa na marafiki wa karibu wa msanii huyo zinadai kuwa kifo chake kilitokana na

malumbano kati ya yeye na mpenzi wake Elizabeth Michael maarufu kwa jina la Lulu ambao usiku wa kuamkia jumamosi majira ya usiku walikuwa nyumbani kwa Kanumba lakini baadaye kulitokea ugomvi baina yao ambapo Lulu alimsukuma Kanumba aliyeanguka chini na kufikia kisogo hivyo alianza kutoa povu mdomoni hadi kifo chake kilipobainika na daktari wa msanii huyo aliyekwenda kuitwa na mdogo wa Kanumba anayefahamika kwa jina la Fetty ambapo wakati huo Lulu alikuwa ameshakimbia.

Polisi mkoani Dar es Salaam imethibitisha kuwa inamshikilia kwa mahojiano msanii huyo wa kike kutokana na kuhusika na kifo cha Kanumba, ambaye alijizolea umaarufu mkubwa katika ukanda wa Afrika Mashariki na kati na hadi Afrika Magharibi baada ya kuwashirikisha katika filamu zake baadhi ya wasanii Maarufu wa Kinigeria akiwemo Mercy Johnson na Noah Ramsey.

Marehemu ambaye alizaliwa mwaka 1984, alianza kujipatia umaarufu mwanzoni mwa mwaka 2000 wakati huo akiigiza katika Michezo ya luninga kupitia kundi la maigizo la Kaole Sanaa.

Aliendelea na kuigiza filamu nyingi ambazo zilimpatia umaarufu mkubwa kiasi cha kusafiri mara kadhaa nchi za nje, ambako alitambulika kama mmoja wa wasanii wenye vipaji vikubwa ambaye aliitangaza fani ya filamu nchini Tanzania maarufu kama Bongo Movies. Taratibu za msiba zinaendelea nyumbani kwake Sinza Vaticany.