Kamanda wa jeshi auawa Yemen

Mripuaji wa kujitoa mhanga amemuuwa kamanda wa  jeshi kusini mwa Yemen katika shambulio lililofanyika leo katika mji wa bandari wa Aden.

 Jenerali Salem Ali Qoton aliuawa  karibu na nyumbani kwake katika eneo la Mansoura, na watu wengine wanne walijeruhiwa. Taarifa zinasema mshambuliaji alimkabidhi karatasi Jenerali huyo wakati akitembea kuelekea ofisini kwake, akapeana  naye mkono na baadae kujiripua . 


Jenerali huyo, aliyekuwa  kamanda mkuu wa  jeshi kusini mwa Yemen, aliongoza hujuma ya mwezi mmoja dhidi ya Al-Qaeda na kusababisha wapiganaji wa kundi hilo kuihama miji  na vijiji kadhaa katika wilaya  za Abyan na Shabwa, ambazo walizidhibiti kwa  kipindi cha mwaka mmoja.

 Shambulio la leo asubuhi lilifanyika wakati Al-Qaeda wakiihama ngome yao ya mwisho katika mji wa Azzan.