Kiasi ya watu 35 wauawa Kusini mwa Yemen

Maafisa nchini Yemen wanasema mabomu yaliotekwa ardhini na wapiganaji wa Al-Qaeda katika mkoa wa kusini wa Abyan kabla ya kuuhama, yamewauwa kiasi ya watu 35 katika  siku 10 zilizopita.

Watu 27 wameuawa katika mji  mkuu wa Wilaya hiyo wa Zinjibar na wanane wengine katika kitongoji cha mji wa Jaar.

 Naibu Meya wa Zinjibar Ghassan Sheikh alisema watu 9  miongoni mwa  27 waliouawa , walikufa tarehe 14 mwezi huu waliookuwa wakirejea Zinjibar baada ya kuukimbia mji huo wakati wapiganaji wa Al-Qaeda walipoingia na kuuthibiti.