Aleppo yashambuliwa

Majeshi ya serikali ya Syria yameendelea  kuwashambulia waasi kwa mizinga katika mji wa  Aleppo, kaskazini mwa Syria.

Pia zimepatikana taarifa  juu ya kutokea miripiko katika mji mkuu, Damascus. Wakati huo huo,Marekani na

 Uturuki  zinatafakari njia  zote za kuwasaidia waasi wanaopigana  ili kuuangusha  utawala wa Bashar al-Assad.  

 Waziri wa mambo ya nje wa Marekani Hillary Clinton aliye ziarani nchini Uturuki, amesema njia hizo ni pamoja na kuzipiga marufuku ndege za majeshi ya serikali ya Syria kuruka katika maeneo fulani ya anga.

 Baada ya mazungumzo na waziri mwenzake wa  Uturuki Ahmet Davutoglu, Waziri Clinton aliwaambia waandishi wa habari mjini Istanbul, kwamba Marekani na Uturuki zinahitaji kupanga mikakati ya jinsi ya kuwasaidia waasi ili kukomesha mauaji nchini Syria.