CUF KUFANYA MKUTANO NA WANANCHI WA MTWARA NA LINDI WAISHIO DAR JUMAPILI TAREHE 2/06/2013

Naibu katibu wa chama cha wananchi cuf  Julias Mtatiro

Chama cha wananchi cuf katika jiji la dar es salaam ,leo wametangaza rasmi tarehe ya kufanyika kwa mkutano wa wazi na wananchi utakao fanyika jumapili  tarehe mbili mwezi wa sita saa nne asubuhi katika uwanja wa chama cha wananchi zilizopo buruguni ambapo ni makao makuu na ngome ya chaho hapa jiji.

Dhumuni kubwa la mkutano huo utakaofanyika jumapil ni kukutana na wananchi wote watokao mikoa ya Lindi na Mtwara waishio jijini Dar es salaam ili kuzungumza na kuweka  maadhimio juu ya faida na hasara ya mali asili ya gesi inayopatikana huko mkoani mtwara.

Akiongea na waandishi wa habari naibu katibu mkuu wa chama cha wananchi cuf bwana Julias Mtatiro  amesema  wameamua kuhitisha mkutano huo wa wazi ili kukutana na wananchi hao ambao ni wazaliwa wa mikoa ya Lindi na Mtwara  waishio jijini Dar es salaam kwani raslimali hii ya gesi inawahusu ingawa wanaishi jijini hapa.

Mkutano huo wa siku ya jumapili mgeni rasmi anatarajiwa kuwa  katibu mkuu wa chama cha wananchi cuf, Proffesa Ibrahim Lipumba ,

Katika mkutano wanataraji  kujadili  na kutoa elimu kuhusu gesi pia wanatarajia  kufikia maadhimio kuhusu rasilimali gesi ambapo maadhimio yatakayopata mashiko , yatawasilishwa kwa mheshimiwa waziri mkuu na pia kwa mheshimiwa rais kwa utekelezaji wa haraka wa maadhimio hayo.

Mkutano huu utakao wahusisha wananchi watokao lindi na mtwara waishio dar es salaam ,utafanyika jumapili ,zikiwa ni siku kadhaa tu zimepita tangu kutokea kwa vurugu mkoani mtwara ,baada ya  wananchi kupinga kusafirishwa kwa malighafi hiyo kutoka mtwara kuja Dar es salaam.

Ama kweli vita haina macho ni msemo wa katibu mkuu wa chama cha wananchi  bwana Julias mtatiro ,alipokuwa anamalizia kutangaza rasmi kufanyika kwa mkutano huo siku ya jumapili tarehe 2 saa nne asubihi katika ofisi za chama hicho zilizopo Buguruni sokoni jijini  Dar es salaam.

Ewe mwananchi mpenda maendeleo ,fika katika mkutano huo siku ya jumapili kwa maendeleo ya nchi yetu.

picha zimepigwa na kasimu bruku wa jambo leo