Picha tano za kusisimua mkutano wa Trump na Obama

Rais mteule wa Marekani Donald Trump alipokutana na Rais Barack Obama kwa mara ya kwanza ikulu ya White House tangu ashinde uchaguzi, uadui kati yao ulijidhihirisha.

Bw Trump kwenye kampeni alimweleza Bw Obama kama rais mbaya zaidi kuwahi kuongoza Marekani.

Rais Obama naye alisema Mwanarepublican huyo hana sifa na uwezo wa kuwa kiongozi wa Marekani.

Mfanyabiashara huyo tajiri kutoka New York, ambaye sasa ni rais mteule, kwa muda mrefu alitilia shaka uhalali wa habari kwamba Obama alizaliwa Hawaii, na alikejeliwa hadharani na Rais Obama.

• Wasifu wa Trump, mshindi wa urais Marekani

• Trump afungua hoteli karibu na White House

Wawili hao walishauriana kwa zaidi ya saa moja afisi ya rais katika ikulu ya White House mnamo Alhamisi na walipojitokeza kwa wanahabari, walijaribu kuficha uadui kati yao.

Waliongea maneno mazuri kuhusu umoja na umuhimu wa kupokezana madaraka kwa amani.

Lakini picha zilizopigwa zinaonesha jambo tofauti, ukiangalia sura na mikono...

Image copyrightREUTERS

Image captionNikiangalia sana pale mbali, haya masaibu yote yatapita...

Image copyrightREUTERS

Image captionFikira za Trump zinaonekana kuyumba ... labda kwa kukumbuka aibu iliyotokana na utani kuhusu kuzaliwa kwa Obama mwaka 2011.

Image copyrightEUROPEAN PHOTOPRESS AGENCY

Image captionWanasalimiana lakini macho yako wapi.... taama mdomo wa Trump

Image copyrightAFP

Image captionTena, sasa Obama anamwangalia Trump.... lakini Trump anaamua, la hasha, SIWEZI kumwangalia machoni

Image copyrightREUTERS

Image captionKupeana mikono kwisha sasa, na ni furaha sana kwa Trump .... lakini anaonekana kutoyaamini anayoyasema Rais Obama

---

Lakini yote hayakuwa kununa tu...

Image copyrightEUROPEAN PHOTOPRESS AGENCY

Image captionWawili hao walicheka wakati mmoja walipotaniana.

---

Melania na Michelle pia walikutana, lakini hawakuonekana kuwa na matatizo

Image copyrightWHITE HOUSE

Image captionMelania Trump na Michelle Obama wakiwa ikulu ya White House