Gambia: Jammeh atangaza ataondoka madarakani

Haki miliki ya pichaREUTERS

Image captionJammeh alishindwa kwenye uchaguzi na Adama Barrow

Kiongozi wa muda mrefu nchini Gambia Yahya Jammeh, anasema kuwa ataondoka madarakani baada ya kukataa kukubali kushindwa.

Katika tangazo kwenye runinga, Jammeh alisema kuwa hakuna haja ya "hata tone moja la damu" kumwagika.

Alitoa tangazo hilo baada ya mazungumzo ya saa kadha kati yake na wapatanishi wa Afrika Magharibi.

Hata hivyo hakuna taarifa zaidi kuhusu yale yaliyoafikiwa.

Bw Jammeh alishindwa kwenye uchaguzi wa mwezi Desemba na mrithi wake Adama Barrow tayari ameshaapishwa.