TAARIFA KUTOKA JESHI LA POLISI MKOANI MWANZA LEO

tarehe 03.06.2017 majira ya saa 06:00hrs asubuhi katika mtaa wa kitangiri kata ya kitangiri wilaya ya ilemela jiji na mkoa wa mwanza, kulwa mabula  miaka 37, mkazi wa mtaa wa kitangiri amekutwa akiwa amejinyonga hadi kufa kwa kutumia kamba ya manila aliyokuwa ameifunga kwenye mti uliokuwa kando ya barabara ya kitangiri, kitendo ambacho ni kosa kisheria.

inasemekana marehemu alikuwa na mgogoro wa kimapenzi na mtu aliyekuwa na mahusiano nae, kutokana na mgogoro huo kudumu kwa muda mrefu ndipo tarehe tajwa hapo juu aliamua kuchukua maamuzi ya kujitoa uhai.

polisi wapo katika uchunguzi kuhusiana na mauaji hayo, mwili wa marehemu umehifadhiwa hospitali ya rufaa ya bugando kwa ajili ya uchunguzi, pindi uchunguzi ukikamilika utakabidhiwa kwa ndugu wa marehemu kwa ajili ya mazishi.

kaimu kamanda wa polisi mkoa wa mwanza kamishina msaidizi wa polisi zarau mpangule anatoa wito kwa wakazi wa jiji na mkoa wa mwanza akiwataka kuacha tabia ya kujichukulia sheria mkononi kwani ni kosa kisheria, bali pindi wanapokuwa kwenye migogoro aidha ya ndoa au mahusiano au ya aina yoyote ilie wawaeleze wazee wenye busara na hekima, au mwenyekiti wa mtaa au vyombo vya dola ili kuweza kuepusha vifo vya aina kama hii ambavyo vinaweza kuzuilika.

katika tukio la pili;

mnamo tarehe 03.06.2017 majira ya saa 10:30hrs asubuhi katika kijiji cha mwanangwa kata ya mabuki wilaya ya misungwi mkoa wa mwanza, mtu mmoja mwanamume ambaye bado hajafahamika jina wala makazi anayekadiriwa kuwa na umri kati ya miaka 25 hadi 30, aliuawa na kundi la watu waliojichukulia sheria mkononi kwa kumpiga mawe na fimbo sehemu mbalimbali za mwili wake kisha baadae kumchoma moto kwa kosa la wizi wa kuku wawili, kitendo ambacho ni kosa la jinai.

inadaiwa kuwa marehemu alikamatwa na wananchi akiwa na kuku wawili ambao amewaiba katika moja ya nyumba kijijini hapo, inasemekana baada ya wananchi wa kijijini hapo kumkamata walianza kumhoji huku wakimpiga kwa mawe na fimbo sehemu mbalimbali za mwili wake kisha baadae kumchoma moto.

watu/ wasiri walitoa taarifa polisi kuhusiana na mauaji hayo ambapo askari walifanya ufuatiliaji wa haraka hadi eneo la tukio, na kufanikiwa kuwakamata watu watano wanaodaiwa kuhusika kwa namna moja au nyingine katika kufanikisha mauaji hayo. aidha polisi wapo katika upelelezi na mahojiano na watuhumiwa pindi uchunguzi ukikamilika watafikishwa mahakamani, mwili wa marehemu umehifadhiwa hospitali ya wilaya ya misungwi kwa ajili ya uchunguzi na utambuzi.

kaimu kamanda wa polisi mkoa wa mwanza kamishina msaidizi wa polisi zarau mpangule anatoa wito kwa wakazi wa jiji na mkoa wa mwanza akiwataka kuacha tabia ya kujichukulia sheria mkononi pindi wanapowakamata wahalifu kwani ni kosa la jinai, bali watoe taarifa polisi au wamfikishe mtuhumiwa kwenye kituo cha polisi ili hatua stahiki za kisheria ziweze kuchukuliwa dhidi yake.

katika tukio la tatu;

kwamba tarehe  03.04.2017 majira ya saa 12:00hrs katika mtaa wa sabasaba kata ya kiseke wilaya ya ilemela jiji na mkoa wa mwanza, askari wakiwa kwenye doria na misako walifanikiwa kuwakamata watu watatu wakiwa na madawa ya kulevya, kati yao wawili ambao ni 1.ally salehe miaka 47, mkazi wa nyasaka na 2.wiliam magoma, miaka 31, mkazi wa nyasaka, walikamatwa wakiwa na madawa ya kulevya aina ya bhangi kiasi cha  misokoto 52, huku wa tatu aliyefahamika kwa jina la paschal lusozi  miaka 47, mkazi wa nyasaka alikamatwa akiwa na madawa ya kulevya yadhaniwayo kuwa ni ya heroine kiasi cha pinchi  10, kitendo ambacho ni kosa kisheria.

awali askari walipokea taarifa kutoka kwa wasiri kwamba katika mtaa tajwa hapo juu wapo baadhi ya watu wanaojihusisha na biashara haramu ya madawa ya kulevya. kutokana na taarifa hizo askari walianza kufanya upelelezi na misako katika maeneo hayo ndipo tarehe tajwa hapo juu  watuhumiwa watatu waliweza kutiwa nguvuni huku wakiwa na aina hizo za madawa ya kulevya.

polisi wapo katika upelelezi na mahojiano na watuhumiwa wote watatu, pindi uchunguzi ukikamilika watafikishwa mahakamani, aidha upelelezi na msako wa kuwatafuta watu wengine wanaojihusisha na biashara haramu za madawa ya kulevya bado unaendelea.

kaimu kamanda wa polisi mkoa wa mwanza kamishina msaidizi wa polisi zarau mpangule anatoa rai kwa wakazi wa jiji na mkoa wa mwanza hususani vijana akiwataka kuacha tabia ya kujihusisha aidha na uuzaji,utumiaji au usafirishaji wa madawa ya kulevya kwani ni kosa la jinai, na endapo mtu atabainika hatua stahiki za kisheria zitachukuliwa dhidi yake. aidha pia anawaomba wananchi wa mkoa wa mwanza kuendelea kutoa ushirikiano kwa jeshi la polisi kwa kutoa taarifa mapema za

imetolewa na;

acp: zarau mpangule

kaimu kamanda wa polisi (m) mwanza