Halmashauri Meru kukusanya bilioni 29

Joseph Ngilisho,Arumeru

HALMASHAURI ya Meru inatarajia kukusanya zaidi ya shilingi bilion 29, kutoka vyanzo vya mapato ya ndani na nje, kwa ajili ya kuanzisha miradi ya maendeleo na huduma nyingine za Halmashauri hiyo.

Hayo yamesemwa jana na Mkurugenzi Mtendaji wa Halmashauri ya Meru,Trasias Kagenzi wakati alipokuwa akiongelea jinsi walivyojipanga na wadau wa maendeleo kwa kushirikiana na wananchi kuhakikisha, wanapunguza hali duni za maisha ya wananchi,  kwa kuanzisha miradi ya msingi, kama vile ujenzi wa Barabara ,miundo ya maji ,huduma bora za Afya .

Kagenzi  alifafanua kuwa fedha kutoka mapato ya ndani ni shilingi milioni 466,140,000, Uchangiaji wa Huduma za Afya ,shilingi milioni 105,000,000 ,Mishahara bilion 20,538,207,000, Ruzuku  ya matumizi ya Kawaida, bilion 2,821,901,000,Ruzuku ya miradi ya Maendeleo,sh. milioni 3,603,339,000 na Michango ya Jamii, Million 366,647,000

Alisema  kuwa fedha hizo zitachangia kwa kiasi kikubwa

huduma ya maji ,elimu ,afya   na miradi mingine ya msingi

itakayoibuliwa na wananchi katika ngazi  ya kata na vijiji .

Aidha alifafanua kuhusu uchangiaji wa wananchi katika miradi ya

maendeleo, kuwa bado ni mdogo  sababu  baadhi ya wananchi wanashindwa kuchangia, kutokana na hali duni ya maisha katika maeneo wanayoishi .

Halmashauri ya Meru ni miongoni mwa Halmashauri saba za Mkoa wa Arusha na ni ya pekee iliyopata hati safi na zingine zikiapata hati za mashaka na Manispaa ya Arusha kupata hati chafu.