Putin atoa somo kwa mataifa ya Magharibi

Rais Vladimir Putin wa Urusi amesema wananchi wa taifa hilo wanahitaji kuzaliwa upya na kujifaharishia utaifa wao. Katika  hotuba yake ya kwanza kwa taifa, tangu kurejea katika wadhifa wa  urais, Rais Putin amesema nchi hiyo inakosa uungaji mkono wa dhati wa wananchi wake. 

Mbele ya  wageni waalikwa zaidi ya mia moja kwenye Ikulu ya Moscow, kiongozi huyo kuna  haja ya kuweka  msingi  wa kuimarisha  uungwaji  mkono  na  jamii. 

Vile vile, Putin amezungumzia madai  mbali mbali  ya mataifa  ya magharibi  dhidi  ya  nchi  hiyo, akisema Urusi  inafuata aina  yake  ya  demokrasia  na  inapuuzia  vigezo  vyote vinavyotolewa  na  mataifa  ya  kigeni.

 Wanasiasa  ambao wanapata  usaidizi  kutoka  nje, amesema  hawana  nafasi katika  nchi  hiyo. Rais Putin amezungumzia  pia  uundwaji wa  nafasi  milioni  25  za  ajira, pamoja   kutoa  vivutio  kwa madaktari  na  wahandisi. Jeshi  la  Urusi  pia litaimarishwa.