NCHIMBI AAPA KUWAKAMATA WAHUSIKA WA MLIPUKO WA BOMU ARUSHA

Serikali imewataka watanzania wakiwemo wakazi wa jiji la Arusha kwa ujumla kuendelea kuwa watulivu na wavumilivu wakati vyombo vya dola kwa kushirikiana na raia wema wakiendelea kufanya uchunguzi wa kina juu tukio la mlipuko wa kitu kinachosadikiwa kuwa ni mlipuko katika uwanja wa Soweto wakati wa mkutano wa kufunga kampeni za uchaguzi mdogo wa udiwani wa chama cha Demokrasia na Maendeleo CHADEMA.


Wito huo umetolewa na waziri wa mambo ya ndani ya nchi Dokta Emmanuel Nchimbi wakati akizungumza na vyombo vya habari baada ya kutembela eneo la tukio na kuwajulia hali majeruhi wa tukio hilo waliolazwa katika hospitali mbalimbali jijini Arusha.

Kwa upande wake Mkuu wa mkoa wa Arusha Magesa Mulongo baada ya kuwajulia hali majeruhi hao amesema binafsi tukio hilo limemsikitisha ambapo ameendelea kuwasihi majeruhi, wafiwa pamoja na wakazi wa jiji la Arusha kuendelea kuwa wavumilivu wakati uchunguzi ukiendelea.

Kufuatia mlipuko huo watu kadhaa wamepoteza maisha na wengine zaidi ya 60 wamelazwa katika hospitali mbalimbali zilizopo jijini Arusha ambapo baadhi ya majeruhi wameeleza hisia zao kusiana na mlipuko huo huku wakimtaka mkuu wa mkoa wa Arusha Magesa Mulongo achukua hatua stahiki dhidi ya tukio hilo.

Aidha Rais Jakaya Kikwete ambaye yupo ziarani nchini Uingereza ametoa pole kwa wale waliopoteza maisha, majeruhi; Uongozi wa chama cha Demokrasia na Maendeleo CHADEMA, Mkuu wa mkoa wa Arusha Magesa Mulongo pamoja na wananchi wa jiji la Arusha kwa ujumla Kufuatia mlipuko huo na kusema kwamba amehuzunishwa sana na tukio hilo na kuagiza vyombo vya dola kuharakisha uchuguzi wake.
Tume ya taifa ya uchuguzi NEC imehairisha hadi tarehe 30 mwezi huu uchaguzi wa mdogo wa madiwani katika kata nne za mkoani Arusha.

habari kwa hisani ya http://haazu.blogspt.com