Waziri wa Afya na Ustawi wa jamii
mheshimiwa Dr Hussein Ali Mwinyi amezindua rasmi gari lenye
namba T 466 CJR ,maalum kwa huduma za upimaji wa afya kwa magonjwa
yasioambukiza,hususan kisukari na
shinikizo la damu.
Uzinduzi huo umefanyika leo asubuhi katika
viwanja vya mnazi mmoja jijini Dar es salaam ,ambapo watu mbali mbali walipata
fursa ya kipekee ya kupima afya zao bure
bila malipo magonjwa ya sukari na presha.
Waziri mwinyi amesema gari hilo litakuwa
gari la kwanza Tanzania litakalo kuwa
lina vifaa maalum vya maabara,na kwa
kuanzia gari hilo litahudumu katika mikoa ya
kanda ya ziwa na hapo baadae litaenda mikoa mbali mbali nchi kutokana na
ratiba itakavyopangwa.
Gari hilo limetolewa na msaada wa wold
diabet foundation ,chini ya mwanzilishi wake Dr.kaushik Ramaiya,kwa chama cha cha kisukari
Tanzania ili kuhakikisha kuwa jamii ya
watanzania wanapata huduma ya magonjwa
wa kisukari na presha kote nchini.
Aidha waziri mwinyi alieleza mkakati wa
serikali ya Tanzania katika kupambana na ugonjwa wa kisukari kwa mpaka ifikapo mwaka 2017 kila kijiji kiwe
na kituo cha afya .
waziri Mwinyi amewashukuru kampuni motorama
inayosimamia magari aina ya Ashok leyland nchini Tanzania(Watengenezaji wa gari hilo) kwa
kuchagua gari hilo ambalo limefungwa vifaa vya kitaalamu na kwamba wamechagua
gari ambalo linaendana na mazingira ya Tanzania .
Kwa kuhitimisha ufunguzi huo waziri wa
afya amesema anawashukuru world diabet
kwa kutoa gari hilo na pia kuahidi kulihudumia kwa matengenezo yatakayohitajika
kwa ushirikiano na mfuko wa wafanyakazi wa Novo nordisk ya nchini Dernmark.
No comments:
Post a Comment