Tuesday, August 23, 2016

Taarifa za kwanza kuhusu mauaji ya Polisi Dar usiku huu

Moja ya stori zinazosambaa kupitia mitandao ya kijamii usiku huu wa August 23 2016 ni pamoja na hii inayodaiwa kuuawa kwa askari polisi wawili kufuatia tukio la uporaji lililotokea katika bank ya CRDB tawi la Mbande, Mbagala.
Millardayo.com imemtafuta kamanda wa polisi kanda maalum ya Dar es salaam Simon Sirro ambaye amesema…>>’Ni kweli kumetokea tukio la uvamizi hapa mbagala lakini kwa taarifa kamili ntazitoa kesho kwakuwa bado nipo eneo la tukio kwa ajili ya uchunguzi zaidi
Endelea kukaa karibu na millardayo.com kwa ajili ya kukusogezea taarifa kamili itakayonifikia kwakuwa tayari ripota wangu yupo njiani kuelekea eneo la tukio.
ULIIKOSA HII KAMANDA SIMON SIRRO KUHUSU ‘UKUTA’


Monday, August 22, 2016

Ummy Mwalimu atoa wito kwa wananchi kutoa ushirikiano Mapitio ya Sera ya Afya.



 Waziri wa Afya, Maendeleo ya Jamii, Jinsia Wazee na Watoto Mhe. Ummy Mwalimu akitoa ufafanuzi kuhusu masuala mbalimbali ya wizara anayoiongoza alipokutana na waandishi wa habari leo jijini Dar es salaam. 
Waziri wa Afya, Maendeleo ya Jamii, Jinsia Wazee na Watoto Mhe. Ummy Mwalimu akitoa wito kwa wananchi kushirikiana na wataalam wanaofanya  Mapitio ya Sera ya Afya kutoka Chuo kikuu cha Dar es Salaam, Chuo cha Afya Muhimbili na Wataalam wa Ofisi mbalimbali za Serikali zinazojishughulisha na masuala ya utekelezaji wa Sera ya Afya ya mwaka 2007.

JAMHURI YA MUUNGANO WA TANZANIA
WIZARA YA AFYA, MAENDELEO YA JAMII, JINSIA, WAZEE NA WATOTO
TAARIFA KWA UMMA.

MAPITIO YA SERA YA AFYA YA MWAKA 2007.
Utoaji wa huduma za afya nchini una simamiwa na Sera ya Afya ya mwaka 2007. Dhumuni kuu la Sera hii ya Afya ya Mwaka2007, ni kuinua hali ya afya ya wananchi wote na hasa wale walioko kwenye hatari zaidi, kwa kuweka mfumo wa huduma za Afya utakaokidhi mahitaji ya wananchi na kuongeza umri wa kuishi wa Watanzania. Mpaka sasa, Wizara yangu inaendelea kutekeleza Sera hii katika kusimamia utoaji na upatikanaji wa huduma za afya nchini. Katika utekelezaji wa Sera hii, Wizara na Sekta ya Afya kwa ujumla imepata mafanikio mbalimbali. Mafanikio haya ni pamoja na:

  • Ongezeko la Vituo vya kutolea Huduma: Wizara imeendelea kuboresha huduma za tiba kwa kutekeleza Mpango wa Maendeleo wa Afya ya Msingi (MMAM). Katika utekelezaji wa Mpango huo,vituo vya kutolea huduma za afya vimeongezeka kutoka vituo 5,172 mwaka 2005 hadi 7,247 mwaka 2015, sawa na ongezeko la vituo 2,075. Kati ya vituo vyote vilivyopo nchini, Vituo 5,072 ni vya Serikali na 2,175 nivyataasisibinafsi.

  • Kupunguza vifo vya watoto chini ya miaka mitano kutoka112 kwa kila vizazi hai 1000 mwaka 2005 hadi 81 kwa vizazi hai 1000 mwaka 2010. Aidha, Taarifa ya Kimataifa ya Septemba 2013, imeonesha kuwa Tanzania tumeweza kufikia Lengo la millennia namba 5, la angalau kuwa na vifo 54 kwa kila vizazi hai 1000, Tanzania iliweza kufikia lengo hilo kabla ya mwaka 2015..

  • VifovitokanavyonamatatizoyaUzazivimepunguakutoka 578 kwakilavizazihai 100,000 mwaka 2005 hadivifo 432 kwavizazihai 100,000 mwaka 2012 navifo 410 kwavizazihai 100,000 mwaka 2014. PiamatumiziyaUzaziwampangoyameongezekakutokaasilimia 20 mwaka 2005 hadiasilimia 27 mwaka 2010.

  •   Huduma za Chanjo: Serikali imefanikiwa katika kupanua wigo wa huduma za chanjo ambapo, kiwango cha chanjo kimeongezeka kutoka asilimia 90 mwaka 2005 hadi asilimia 97 mwaka 2014. Kutokana na mafanikio katika chanjo, Wizara imefikia viwango vya kimataifa vya kutokomeza pepopunda kwa watoto wachanga mwaka 2012 na pia imeweza kudhibiti ugonjwa wa Polio.
  •   Katika kipindi hiki cha kutekeleza sera hii, Wizara imeanzisha huduma mpya za kibingwa na uchunguzi hapa nchini na kuwawezesha wananchi kupata huduma za kibingwa ambazo awali zilikuwa hazitolewi hapa nchini. Huduma hizo ni pamoja na upasuaji mkubwa wa moyo, upasuaji wa mifupa,mishipa ya fahamu na ubongo, kusafisha damu kwa wagonjwa wenye matatizo ya figo na uanzishaji wa huduma za dharura.

  •   Udhibiti wa Malaria: kiwango cha maambukizi ya malaria kimeshuka kutoka asilimia 18 mwaka 2008 na kufikia asilimia 10 mwaka 2012 (THMIS).
  •   Udhibiti wa UKIMWISerikali imepata mafanikio katika kudhibiti UKIMWI, kiwango cha maambukizi ya Virusi vya UKIMWI(VVU) kimepungua kutoka asilimia 7 mwaka 2004 hadi kufikia asilimia 5.1 mwaka 2011/12. Vituo vya tiba kwa watu wanaoishi na VVU vimeongezeka kutoka 91 mwaka 2005 hadi 1,463 mwaka 2015. Hadi Juni 2015, jumla ya watu 703,589 wanapatiwa ARV ikilinganishwa na Mwaka 2005, ambapo watu wanaoishi na VVU 16,199 walipatiwa huduma hii.


 Pamoja mafanikio mbalimbali yaliyopatika katika utekelezaji wa Sera hii, Sekta ya Afya imekuwa na changamoto mbalimbali na kusababisha madhumuni ya Sera kutofikiwa. Changamoto hizo ni pamoja na:
    1.   Upungufu wa vifaa, vifaa tiba na vitendanishi pamoja na dawa katika vituo vya kutolea huduma za Afya,
    2.  Uhaba wa miundombinu ya kutolea huduma za afya nchini hasa, zahanati, vituo vya afya na hospitali,
    3.  Uwezo mdogo wa viwanda vinavyozalisha dawa hapa nchini,
    4.    Upungufu mkubwa wa watumishi wa Afya katika ngazi zote za kutolea huduma
    5.  Maendeleo madogo ya upunguzaji wa Vifo vya wakinamama vinavyotokana na Ujauzito.
    6.    Maendeleo na mabadiliko ya tabia na mwenendo wa maisha vimebadili sura ya magonjwa. Aidha, hali hii imesababisha kuanza kujitokeza kwa magonjwa ya kuambukiza na yasiyo ya kuambukiza na yanayotokana na ajali na majanga, ambayo kwa huduma zilizopo haziwezi kukidhi.
    7.  Kuendelea kupungua kwa Rasilimali fedha katika  Sekta ya Afya na kusababisha kuendelea kushuka kwa ubora wa huduma za afya katika vituo vya kutolea huduma.
    8.  Kuwalinda wananchi hasa wenye kipato cha chini katika katika kupata huduma za afya wakati wanazihitaji.

    1. Uwepo wa vituo vya kutosha vya kutolea huduma na kudumisha upatikanaji wa huduma bora za afya katika vituo vya afya.
    2. Ongezeko la idadi ya watu ambalo linapelekea ongezeko la mahitaji ya huduma za afya.
    Aidha, changamoto hizo na Mabadiliko mbalimbali ambayo yatatokea yamepelekea serikali kutoa maagizo na kutayarisha mikakati mbali mbali ya Serikali kwa lengo la kuboresha huduma zitolewazo kwa umma. Mikakati na maagizo hayo ni pamoja:

    • Utekelezaji wa Mpango Mkakati wa Nne wa Sekta ya Afya 2015-2020 ( HSSP IV)
    • Utekelezaji wa Mkakati wa Ugharamiaji wa Huduma za Afya
    • Utekelezaji katika mfumo wa malipo kwa matokeo.
    • Mpango wa Serikali wa matokeo makubwa sasa
    • Mabadiliko ya Sayansi na Teknolojia, inayobadilisha namna huduma za Afya      zinavyotolewa
    • Ongezeko la Magonjwa sugu, hasa magonjwa ambayo siyo ya kuambukiza ambayo yana gharama kubwa na yanaweza kuzuilika.
      Mpango wa Serikali wa matokeo makubwa sasa

       Mabadiliko ya Sayansi na Teknolojia, inayobadilisha namna huduma za Afya zinavyotolewa
      Ongezeko la Magonjwa sugu, hasa magonjwa ambayo siyo ya kuambukiza ambayo yana gharama kubwa na yanaweza kuzuilika.

    Kutokana na changamoto zilizojitokeza na utekelezaji wa mikakati na maagizo hayo , ni muhimu kufanya mapitio ya Sera ya Afya ya mwaka 2007 ili utekelezaji wa matamko ya kukidhi  Lengo na  Madhumuni yaliyokusudiwa kufikiwa na Sera.

    Mapitio haya, yanafanywa na Wizara yangu kwa kushirikiana na Chuo kikuu cha Dar es Salaam, Chuo cha Afya Muhimbili na Wataalam wa Ofisi mbalimbali za Serikali zinazojishughulisha na masuala ya utekelezaji wa Sera ya Afya ya mwaka 2007.

    Nawaomba wananchi wote kutoa ushirikiano wakutosha kwa Wizara na Wataalam wa timu hii katika kuhakikisha kuwa mnatoa maoni yenu kwa uwazi kwa ajili ya kusaidia maendeleo a Sekta ya Afya nchini. 

    Wananchi wote mnaweza kutoa maoni yenu kupiti Tovuti ya Wizara (www.moh.go.tz) au kuwasilisha maoni yenu pia Kupitia anuanimaoni.sera@moh.go.tzMwisho wa kutoa maoni ni tarehe 30 Oktoba 2016.

    Nawashukuru sana.

    Ummy A. Mwalimu (mb)
    Waziri wa Afya, Maendeleo ya Jamii, Jinsia Wazee na Watoto

    HONGERA BWANA DAVID MANOTI KWA KUUAGA UKAPERA


    Bwana Harusi David Saire Manoti akiwa na Mke wake mpenzi Nezia Manumbu  Baada ya Kufunga Pingu za Maisha katika Kanisa la St. Peters Jijini Dar
    Maharusi wakiwa katika Ibada ya ndoa yao Takatifu
     Bwana na Bibi David Saire Manoti wakipata Picha za ukumbusho katika Ufukwe wa Bahari ya Hindi
     Maharusi wakipata Picha ya pamoja na Wasimamizi wao
    Maharusi wakipata picha  na wasimamizi wao pamoja na wasindikizaji walionogesha Harusi hiyo 
     Bwana na Bibi Harusi David na Nezia wakiingia ndani ya ukumbi wa Law School
    Bwana harusi David Manoti akiwa na shangwe wakati anaingia ukumbini 
     Kamati kuu ya Maandalizi wakitangaza zawadi yao kwa Maharusi
    Ulifika muda wa kuzifungua Champagne, huku kila mmoja aliyekuwa nayo mkononi akifungua kwa mbwembwe zake 
     Baadhi ya wageni waalikwa wakiendelea kumiminiwa Champagne kabla ya kufanya Cheers ili kutakiana heri
     Maharusi wakipeleka Keki upande wa Bibi Harusi Familia ya akina Manumbu ikiwa ni  ishara ya shukurani
     Maharusi wakipeleka keki katika familia ya Bwana Harusi Saire Manoti ikiwa ni ishara ya Shukurani
     Maharusi wakilishana keki
     Wazazi upande wa Bibi Harusi wakiongozwa na mama mzazi wa Nezia kutoa zawadi ya Familia
    Wazazi upande wa Bwana Harusi wakiongozwa na Mama Mzazi wa David wakitangaza zawadi yao
    Wageni waalikwa wakiwa katika Harusi ya Bwana na Bibi David Manoti
     Baadhi ya Marafiki wakiwa katika harusi ya David na Nezia
    Burudani ikiiendelea ...
    Picha zote na Fredy Njeje.

    OPENING SPEECH BY THE GUEST OF HONOUR, HON. OMAR OTHMAN MAKUNGU, CHIEF JUSTICE OF ZANZIBAR DURING THE TRAINING OF THE LAW ENFORCERS FROM TANZANIA MAINLAND AND ZANZIBAR ON THE LUANDA GUIDELINES ON THE CONDITIONS OF ARREST, POLICE CUSTODY AND PRE–TRIAL DETENTION IN AFRICA, HELD FROM 22ND TO 24TH AUGUST, 2016 AT ZANZIBAR BEACH RESORT, ZANZIBAR


    Honourable Bahame Tom Nyanduga, the Chairman of the Commission for Human Rights and Good Governance,
    Honourable Commissioners from the Commission for Human Rights and Good Governance,
    Distinguished representative from the Tanzania Police Force, Prison and Correctional Facilities,
    Sean Tait, the Director and Representative of APCOF,
    Honorable Executive Secretary of the Commission for Human Rights and Good Governance,
    Honourable Heads of Government Institutions,
     Facilitator and Participants to the training,
     Ladies and Gentlemen.

    Good morning!

    First of all, praised be to Allah, who has given us opportunity to meet here today   in this important training. At the outset, let me express my sincere appreciation for the honour I have been given to officiate this important training.

    I would like to thank the Commission for Human Rights and Good Governance in collaboration with African Policing Civilian Oversight Forum (APCOF) for committing the limited resources, time and energy for this important training, so that it may enable our law enforcement officers to perform their functions of ensuring law and order prevails in a matter that respect human rights. 

    Distinguished participants let me also take the opportunity to welcome you all to Zanzibar. I thank the organizers for deciding this important training to be convened in Zanzibar involving all important stakeholders to the realization of pre trial criminal justice in Tanzania Mainland and Zanzibar.

    I have been informed that the Luanda Guideline were adopted by the African Commission on Human and Peoples Rights which is an African Union Institution. The adoption of the Luanda Guideline is therefore a homegrown regional development on the Conditions of Arrest, Police Custody and Pre – Trial Detention in Africa.

    Distinguished participants, this training is very strategic for strengthening the capacity of the law enforcement officer on observance, promotion and protection of rights of person during arrest, under police or prison custody and pre trial detention in Tanzania and Zanzibar, It will provide participants to this training with knowledge on Luanda Guidelines and fundamental human rights concepts, international and regional human rights instruments as linked to the Luanda Guidelines. We in the Judiciary in Zanzibar, and throughout the world are guardian to justice, which is founded on fair application of the law, particularly in the conduct of criminal investigation and trials.

    The Luanda Guidelines were adopted by the African Charter on Human and People Rights  (ACHPR) during its 55th Ordinary Session in 2014. The Guidelines are an authoritative interpretation of the African Charter on Human and Peoples’ Rights, and they offer specific detail on the measures that, State Parties of the African Union (AU), including Tanzania, should take to uphold, protect and promote the rights of people who are  under   pre-trial detention. The adoption of the Luanda Guidelines is only the first step in promoting a rights-based approach to this critical area of criminal justice system: the success of the Guidelines will be measured by the extent to which they are adopted and used by State Parties, including Tanzania.

    The Guideline require the law enforcement officers to safeguard the rights of person under police or prison custody, to register properly the persons under the police or prison custody, while considering the physical conditions of person under police custody and pre – trial detention. This is very critical stage to safeguard the rights of an individual’s, because it is that stage before a suspect or accused person is brought before a court of law, where the court may intervene to ensure his/her rights are safeguarded.

    The Luanda Guideline provides for the need of the law enforcement organs to respect human rights, observe laws of the land, procedures and regulations stipulated by the Tanzania Police Force, Tanzania Prison Service and Correctional Facilities in Zanzibar, in order to avoid human rights violations to the person during arrest, under police or prison custody and pre – trial detention, which are protected by the bill of rights as enshrined into the URT Constitution (1977) and the Zanzibar Constitution of 1984.

    Distinguished participants, the law enforcement officer in Tanzania, experience challenging situation on issues related to human rights observance, protection and promotion. The magnitude of human rights violations escalates to extra judicial killings and torture, denial of bail, medical treatment, unlawful arrests and detention, misuse of powers and fabrication of cases to innocent people. 

    This training is expected to enrich your knowledge on the Luanda Guideline, and strengthen your ability to promote and protect human rights in the exercise of your professional responsibilities. Not only that, but also at the end of this training, you will be able to build a social network among the law enforcement officers and other stakeholders and gain exposure on various matters related to administration of criminal justice system in Tanzania.

    Therefore I urge   you to make a regular follow up of the knowledge on the Luanda Guideline that you will acquire during the training and, link it to your daily routine and strive to apply best practice in order to provide the basis for changing working culture and practices at your working stations.

     It is anticipated that, at the end of this training, you will gain knowledge and understandings on the issues related to the Luanda Guideline which   promote observance and protection of human rights in Tanzania, in the cause of implementing your duties of arrest or when the person is placed in the detention facilities. I expect that, the training will enhance your performance at your working stations.  

    Distinguished   participants, Having said so what I said, it is now my pleasure to declare that, the training on Luanda Guideline on the Conditions of Arrest, Police Custody and Pre – Trial Detention in Africa , is  officially opened.

    I wish you all a successful training and enjoyable stay in Zanzibar.

    Thank you for your attention.

    22/08/2016

    Kongamano la tano la kitaifa la Sayansi, Teknolojia na Ubunifu kuanzia tarehe 23 hadi 25 Agost, 2016.


    TUME YA TAIFA YA SAYANSI NA TEKNOLOJIA
    ISO 9001: 2008 CERTIFIED


     
    Ndugu waandishi wa habari, tumewaiteni kuwaeleza kuwa Tume ya Taifa ya Sayansi na Teknolojia (COSTECH), imeandaa Kongamano la tano la kitaifa la Sayansi, Teknolojia na Ubunifu.

    Kongamano hili ni fursa kwa wataalam wakiwemo watafiti, wabunifu, watunga sera pamoja na wajasiriamali kukutana na kujadili na kuelezea mchango wa sayansi, teknolojia na ubunifu katika kufikia taifa la viwanda. Kongamano la mwaka huu litafanyika kwa muda wa siku tatu, ukumbi wa Kisenga jengo la LAPF Kijitonyama, jijini Dar es salaam, kuanzia tarehe 23 hadi 25 Agost, 2016.
    Kupitia kongamano hilo ambalo siku ya ufunguzi mgeni rasmi atakuwa Waziri wa Elimu, Sayansi na Teknolojia Mhe. Prof. Joyce Ndalichako, wadau watatoa mchango wao wa namna sayansi, teknolojia na ubunifu vitakavyochangia kufikia uchumi wa viwanda katika kufikia malengo ya Dira ya Maendeleo ya Taifa 2025.
    Tume ya Taifa ya Sayansi na Teknolojia ambayo ni mshauri mkuu wa serikali kwa mambo yote ya sayansi na teknolojia, imeratibu na kuhamasisha tafiti kulingana
    na vipaumbele vya taifa hasa; kilimo, mifugo, uvuvi, maliasili, viwanda, mazingira, nishati, TEHAMA na sayansi ya jamii.
    Tafiti katika vipaumbele hivyo, yametoa matokeo chanya yanayodhihirisha uthubutu wa kufikia malengo ya Dira ya Maendeleo ya Taifa 2025.

    Watafiti watapata fursa ya kuwasilisha matokeo ya miradi kumi na mitano iliyofadhiliwa kwa pamoja kati ya serikali za Afrika ya Kusini na Tanzania  tangu mwaka 2013ambapo kila nchi ilichangia zaidi ya shilingi milioni mia tano. Matokeo ya tafiti hizi yanatupatia fursa ya kuwashirikisha watanzania ili wafahamu kinachoendelea katika Nyanja ya utafiti.
    Baadhi ya matokeo ya tafiti yatakayowasilishwa kwenye kongamano hilo, ni pamoja na teknolojia ya kuongeza thamani na usindikaji wa ngozi. Teknolojia hiyo iliyogunduliwa chini ya COSTECH, mpaka sasa imewezesha kujengwa kiwanda kidogo cha ngozi Morogoro kwa ajili ya mafunzo. Mafunzo yatatolewa kwa wakurugenzi wa wilaya zote 136 nchini lengo ni kushirikiana na serikali kuwa na kiwanda cha ngozi kila wilaya.
    Kabla ya teknolojia hii, kati ya ngozi milioni 8 zinazozalishwa kwa mwaka, ni asilimia 40 pekee zilikuwa na ubora. Tekonolojia hii itaongeza thamani ya ngozi mbichi za ng’ombe, mbuzi na kondoo na kufikia shilingi bilioni 89.5. Ngozi hizo zikisindikwa zitakuwa na thamani ya shilingi bilioni 300 kwa mwaka. Viwanda hivyo vikikamilika vitatengeneza bidhaa kama viatu, mabegi n.k vyenye thamani ya shilingi trilioni 3 kila mwaka.
    Matarajio yetu ni kuwa kila kiwanda kitaajiri wafanyakazi rasmi 100 na wengine 500 wasio rasmi, hivyo wilaya zote zitaweza kutoa ajira kwa watu 81,600.
    Ndugu waandishi wa habari, wasilisho lingine litakuwa la ugunduzi wa chanjo ya kuku yenye uwezo wa zaidi ya asilimia 80 kudhibiti magonjwa matatu ya kideli, ndui na mafua kwa kuku. Chanjo hii ipo katika hatua za mwisho kukamilika na kinajengwa kiwanda Morogoro kwa ajili ya kutengeneza chanjo hiyo. Tanzania kuna jumla ya kuku milioni 60 kulingana na takwimu za wizara ya kilimo hivyo endapo utatokea ugonjwa wa mlipuko na chanjo hiyo ikatumika, tutaokoa jumla ya kuku milioni 48 wenye sawa na thamani ya shilingi bilioni 2.8.

    Tume pia imefadhili utafiti kwenye kilimo cha pamba ili kuongeza uzalishaji na kuwezesha viwanda vya nguo kupata mali ghafi ya kutosha. Awali mkulima angeweza kuvuna wastani wa kilo 800 kwa ekari moja lakini kwa kutumia kilimo cha kitaalam na mbegu zilizofanyiwa utafiti ataweza kuvuna wastani wa kilo 1,100 ikiwa ni ongezeko la kilo 300. Bei elekezi ya pamba ni shilingi 1,000 kwa kilo hivyo endapo mbegu mpya hii itaingizwa sokoni, mkulima atakuwa na ongezeko la shilingi laki 3 kwa kila ekari moja.  
    Tume imefadhili utafiti wa kilimo cha mpunga katika kituo cha utafiti cha kilimo Dakawa. Wataalam wamegundua mfumo wa kilimo shadidi ambacho kupunguza matumizi ya mbegu kwa asilimia 80 ambapo awali ekari moja ilipandwa kilo 18 lakini sasa ni kilo 3 tu zinatosha kupanda shamba la ekari moja. Uzalishaji utaongezeka ambapo awali mkulima alivuna magunia 15 kwa ekari moja lakini sasa atavuna magunia 32.
    Utafiti pia umefanywa kwenye kilimo cha mihogo na kugundua aina mbili za mbegu ambazo ni Kiroba kwa kanda ya kusini na Mkombozi kwa Kanda ya Ziwa na Nyanda za Juu Kusini. Mbegu hizi ni kinzani kwa magonjwa ya batobato na michirizi kahawia ambayo yanashambulia mihogo ya asili na kuzorotesha uzalishaji. Mbegu hizi za kisasa hutoa mavuno mengi. Jumla ya mbegu milioni moja zilitolewa kwa vikundi vya wakulima katika mikoa ya Mtwara na Mwanza. Wakulima wameongeza kipato kutokana na uzalishaji kuongezeka. Habari njema zaidi ni kuwa kiwanda cha kutengeneza  wanga utokanao na mhogo kitajengwa Mtwara au Lindi.
    Ndugu waandishi wa habari, kuwa na taifa la viwanda ni lazima uzalishaji wa malighafi uongezeke mara dufu. Tume ya Sayansi na Teknolojia imefadhili utengenezaji wa mashine ya kuchakata mkonge. Mpaka sasa mashine imetengenezwa na ipo kwenye majaribio ya ndani. Mashine ina uwezo wa kuchakata majani ya mkonge 3,300 kwa siku. Mashine hii ni kwa ajili ya wakulima wadogo wadogo ambao wamekuwa wakitumia njia za zamani kuchakata mkonge. Mwezi Novemba itaanza kutumika kwa wakulima ambapo kwa kutumia mashine hii watapata nyuzi zenye ubora unaotakiwa.
    Tume imejikita katika kuhawilisha teknolojia mpya kama vile teknolojia za kisasa zinazotumika kuendeshea mitambo viwandani (mechanotronics), teknolojia ya ndege zisizokuwa na rubani (drones), na teknolojia nyinginezo zinazotolewa kwa sasa
    Ili nchi yetu iwe ya uchumi wa kati, katika sekta ya uendelezaji, uhawilishaji na ubiasharisha wa teknolojia, mambo kadhaa yanatakiwa kufanyika ikiwa ni pamoja na:

    Kuanzisha na kuimarisha atamizi, kama ambavyo Tume ilivyoanzisha na kuimarisha atamizi ya DTBi. Tangu kuanzishwa kwake mwaka 2011 atamizi imeanzisha kampuni 40 ambazo zimezalisha ajira kwa takribani vijana 300 na  ajira zisizo za moja kwa moja (indirect) 8,500 kwa mwaka. Atamizi hii inazalisha takribani dola milioni 1.5 kutokana na waatamizi kuuza huduma zao

    Aidha, Atamizi hii imezalisha, kulea na kubiasharisha bunifu mbalimbali kutoka kwa vijana hususani katika sekta ya Teknolojia ya Habari na Mawasiliano kama vile mifumo bora na rahisi wa ulipaji kodi za serikali za mitaa, ulipaji huduma za maji na umeme, udahili wa wanafunzi wa vyuo vikuu, usikilizaji wa kipindi cha Bunge kupitia simu ya mkononi, ulipaji tiketi za mabasi kupitia simu ya mkononi.

    Tangu mwaka 2010 mpaka sasa, serikali imeboresha uwezo wa watafiti 517, kwa kugharamia gharama za masomo kwa ngazi za shahada za uzamili na uzamivu. Kati ya hao, 445 wamehitimu masomo yao na sasa wamerejea katika vituo vyao vya kazi ili kuendelea kulitumikia taifa kupitia utafiti.
    Ndugu waandishi wa habari, hayo ni baadhi tu ya mafanikio ambayo tume imeyapata. Malengo ya tume ni kuhakikisha inaendelea kutoa ushauri wenye tija kwa serikali kutokana na matokeo ya sayansi, teknolojia na ubunifu. Karibuni sana katika kongamono hilo.
    Asanteni kwa kunisikiliza.
    Dr. Hassan Mshinda
    Mkurugenzi Mkuu
    Tume ya Taifa ya Sayansi na Teknolojia
    22/08/2016