Wapiganaji wa Al Qaeda wauawa Yemen

Maafisa wa usalama nchini yemen wamesema kuwa takriban wapiganaji saba wa kundi la kigaidi la Al Qaeeda wameuwawa katika mashambulio yaliyotekelezwa na ndege za Marekani zisizo-kuwa na rubani.

Wanasema makombora kutoka kwa ndege hizo yalirushwa kwa shamba moja karibu na mji wa kusini wa Jaar, kufuatia taarifa kuwa wapiganaji walikuwa wanapanga kuvamia mji huo.

Mji wa Jaar ni miongoni mwa miji miwili ambayo ilikuwa ngome ya Al qaeeda Kusini mwa nchi hiyo.

Ilitwaliwa na Kundi la Al qaeeda wakati wa mapinduzi dhidi ya Rais wa zamani Ali Abudullah Saleh mwaka jana lakini jeshi la serikali ya Yemen ikaiteka tena mnamo Juni mwaka huu.