Sisi ni nani?

MIGA

Taasisi ya Kudhamini Uwekezaji  TAASISI ZA BENKI YA DUNIA Taarifa kwa Vyombo vya Habari

                                                                       

MIGA ni moja ya Taasisi zilizo chini ya Benki ya Dunia. Dhamira yetu ni kukuza uwekezaji wa kigeni wa moja kwa moja katika nchi zinazoendelea ili kusaidia ukuaji uchumi, kupunguza umasikini, na kuboresha maisha ya watu.

Mkakati wetu

Mkakati wa kiutendaji wa MIGA hutumia uwezo tuliokuwa nao katika masoko—kuvutia wawekezaji na wadhamini binafsi katika mazingira magumu ya kiutendaji. Tunalenga katika kudhamini uwekezaji pale ambapo tunaweza kuleta mabadiliko makubwa.

• Nchi ambazo zinastahili kupata msaada kutoka Taasisi ya Maendeleo ya Kimataifa (nchi masikini zaidi duniani)
• Maeneo yaliyokumbwa na migogoro
• Mikataba yenye utata katika miundombinu na uchimbaji madini, hasa ile inayohusisha fedha za kugharamia miradi na masuala ya mazingira na kijamii 
• Nchi za Kipato cha Kati ambako tunaweza kuleta mabadiliko

Kuna faida nyingi katika huduma zinazotolewa na MIGA kwenye  maeneo yote haya—kuanzia kwenye huduma zetu mahususi na uwezo wa kurudisha imani ya wafanyabiashara, hadi ushirikiano wetu unaoendelea na soko la bima la umma na binafsi, katika kuongeza kiwango cha bima wanachoweza kupata wawekezaji.

Kama taasisi ya maendeleo iliyo na wadau wengi, MIGA hutoa msaada pale tu ambapo uwekezaji huleta mabadiliko kimaendeleo na kukidhi viwango vya juu vya kijamii na kimazingira. MIGA hutumia viwango vya utendaji kijamii na kimazingira vilivyosheheni vipengele mbalimbali katika miradi yote na hutoa huduma za kitaalamu kwa wawekezaji ili kuhakikisha viwango hivi vinazingatiwa.

Bidhaa zetu

Tunatimiza dhamira yetu kwa kuwapatia wawekezaji wa sekta binafsi na wanaokopesha udhamini wa bima dhidi ya hatari za kisiasa. Udhamini wa MIGA hulinda uwekezaji dhidi ya hatari ambazo si za kibiashara ma huweza kuwasaidia wawekezaji kupata vyanzo vya fedha vilivyo na masharti na vigezo nafuu. Uwezo wetu wa kipekee unatokana na kuwa moja ya taasisi za Benki ya Dunia, na muundo wetu kama shirila la kimataifa lililo na wana hisa wanaojumuisha nchi nyingi duniani. Tangu kuanzishwa kwetu mwaka 1988, MIGA imetoa zaidi ya Dola za Marekani bilioni 28 kama bima dhidi ya hatari za kisiasa kwa miradi kwenye sekta mbalimbali katika maeneo yote duniani.

Pia tunafanya utafiti na kushirikishana ujuzi kama sehemu ya wajibu wetu wa kusaidia uwekezaji wa kigeni wa moja kwa moja katika masoko machanga. Hii inathibitisha nafasi yetu kama kiongozi wa fikra na chanzo cha habari zinazohusiana na hatari za kisiasa kwa wafanya biashara wa bima.

Timu yetu

Watu wetu wana uzoefu mpana katka masuala ya bima ya hatari za kisiasa, wakiwa na taaluma mbalimbali zikiwemo masoko ya kibenki na mitaji, uendelevu wa kijamii na kimazingira, fedha za kugharamia miradi na mahitaji mahususi ya sekta, na sheria za kimataifa na usuluhishi wa migogoro. Kutana na Timu yetu ya maafisa waandamizi wa menejimenti.

Wanahisa wetu

Baraza la Magavana na Bodi ya Wakurugenzi wanaowakilisha nchi wanachama  huongoza programu na shughuli za MIGA. Baraza la Magavana ndilo lenye mamlaka ya kitaasisi ya MIGA, ambalo hugatua madaraka yake mengi kwa Bodi ya Wakurugenzi. Mamlaka ya kupiga kura hutegemea kiasi cha mtaji ambacho kila mkurugenzi huwakilisha. Wakurugenzi hukutana mara kwa mara katika makau makuu ya Taasisi za Benki ya Dunia, jijini Washington, DC, ambako hufanya mapitio na maamuzi kuhusu miradi ya uwekezaji na kusimamia sera za jumla za menejimenti.