Watu 16 wauwawa mashariki mwa Afghanistan

Watu 16 wameuwawa na wengine 30 kujeruhiwa wakati mshambuliaji wa kujitoa muhanga alipokishambulia kituo cha upekuzi katika mji wa Khost ulio katika eneo la mashariki mwa Afghanistan linalopaka na Pakistan.

 Wanawake na watoto ni miongoni mwa majeruhi.


 Msemaji wa kikosi cha kimataifa cha kulinda amani Afghansitan, ISAF, kinachoongozwa na jumuiya ya kujihami ya NATO, amesema miongoni mwa waliojeruhiwa ni wanajeshi wa kigeni, lakini akasita kutaja idadi na kama kuna baadhi yao waliouwawa.

Kwa mujibu wa kamanda wa jeshi la polisi mkoani Khost, mshambuliaji huyo aliyekuwa kwenye pikipiki, alijilipua katika kituo cha usalama kinachosimamiwa na wanajeshi wa kigeni na wa Afghanistan.